Ma-ccattai na
scupetta nova, a du canni
ppi sparari luntanu, di cca; finu a Varanni
quannu, videva lu cunigghju, idda si ngippava
e jù cu la scupetta ngoddu, di fissa ciàrristava.
La prima canna di la scupetta no sparava
la sacunna canna tirava e lu sbagghiava
prontu lautru coppu nganna mi falleva
e lu cunigghìu mi vaddava e sinnieva.
Lu cunigghìu, vaddannimi iddu si priava
cca li cattucci e sta scupetta no sparava
lu cunigghìu davanti ammé, mi passava
e jù, cu la scupetta nalli manu, ci 'mpazzeva.
Lu circai ppi tutta la campagna, e no videva
spirannu ca lu truvava e l'ammazzava
ma iddu ghjù spettu, mi 'mbrugghiava
e di fissa, na dda campagna, mi lassava.
Pigghju sta scupetta ppi ghittalla
di la rabbia di ngoddu ca jù ciaveva
pinzai ca era megghju di vinnilla
a lu cacciaturi ghjù brau e cci sparava.
Ci scappau macari a iddu stu cunigghiu
penzau! Si cangiu li cattucci; lu pigghiu
sparannici a tutta fozza, macari a cinnigghiu
ciappizzau lu tempu li cattucci e lu cunigghiu.
Stu cacciaturi, pi farisi beddu e nonvari dannu
cuntava all'amici, ca li cattucci a palla, nonvannu
dicennicci! sti cattucci ommai, sunu tutti sdusati
o semu tutti li cacciaturi! Ca cuntamu sulu cazzati.
Comune di Pedara - Tel. Municipio Centralino 095.7028111
- Piazza Don Bosco - 95030 Pedara Italia
ritorna alla pagina precedente